Elhaida Dani është fituese e edicionit të 53-të Festivalit të Këngës në Radio Televizionin e Shqiptar.
Finalja e këtij festivali është mbajtur të dielën, e Dani do të përfaqësojë Shqipërinë në Eurovision.
Është kënga ‘Diell’ nga këngëtarja Elhaida Dani që do të dëgjohet në maj në shtetin nikoqir të garës më të madhe të muzikës në Evropë, që këtë vit është Austria.
Këtë vit ka qenë një konkurrencë mjaft e fortë duke marrë pjesë artistë mjaft të njohur dhe kushdo që do zgjidhej do të na përfaqësonte denjësisht, por juria e festivalit ka vendosur për Elhaida Danin.
Çmimi i publikut i ka shkuar grupit Offchestra për këngën e tyre ‘Bajram’ ndërsa interpretuesi më i mirë i festivalit është shpallur Gjergj Leka me këngën ‘Himn’.
Vendin e tretë ka marrë kosovarja Linda Halimi me ‘S’të fal’, Bojken Lako vendin e dytë me ‘Të ndiej’.
Elhaida është fituesja e ‘The Voice of Italy’ në vitin 2013, ndërsa tani do të përfaqësojë Shqipërinë në Eurovision.
http://youtu.be/ksuh4aGu8Vk