Elvana Gjata ka publikuar klipin më të fundit të këngës ‘Love Me’, një bashkëpunim me këngëtarin Bruno. Kënga është prodhim i kompanisë Three Dots Production.
Xhirimet e klipit janë realizuar në Prizren dhe klipi është filmuar nga një aparat celular, metodë kjo e përdorur edhe nga këngëtarë të tjerë të huaj.
Elvana në klip luan rolin e një ciganeje, ndërsa Bruno i bie kitarës dhe të dy duket se argëtohen teksa luajnë e kërcejnë bashkë, apo bëjnë selfie nga telefoni.
Kënga supozohet të argëtojë dëgjuesit dhe t’i ‘sjellë në qejf’. Teksti është i thjeshtë dhe kënga do të jetë e ‘përtypshme’ nga të gjithë.