Sait Erdal Dincer ishte i fundit në një seri shkarkimesh nga Erdogan, i cili ka shkarkuar tre guvernatorët e bankës qendrore që nga korriku 2019.
Erdogan ka kundërshtuar normat e larta të interesit, të cilat ai beson se shkaktojnë inflacion, pikërisht e kundërta e të menduarit ekonomik konvencional, shkruan Guardian, transmeton Klankosova.tv.
Shifra e inflacionit të vitit 2021 e publikuar nga Dincer zemëroi si kampin pro-qeveritar ashtu edhe atë të opozitës.
Erdogan thuhet se kritikoi privatisht agjencinë e statistikave për publikimin e të dhënave që ai e ndjente të mbivlerësuar shkallën e gjendjes ekonomike të Turqisë. Ai nuk shpjegoi vendimin e tij për të emëruar Erhan Cetinkaya, i cili kishte shërbyer si nënkryetar i rregullatorit bankar të Turqisë, si shefin e ri të statistikave shtetërore.
Një tjetër dekret presidencial i botuar të shtunën u kërkoi autoriteteve të parandalojnë përhapjen e informacioneve që rrjedhin nga aktivitetet e medias që janë të papajtueshme me vlerat kombëtare dhe morale, që u kritikua si censurë.