2.7 C
Prizren
E premte, 7 Shkurt, 2025

Erleta Hoti: Nuk po largohem nga VV, bëra shaka!

Erleta hotiRaportimet në media rreth kandidates për deputete të Lëvizjes Vetëvendosje, Erleta Hoti, dhe hyrjes apo jo të saj në Kuvend, kanë qenë kontradiktore. Edhe pse ajo nuk ka arritur të marrë numrin e mjaftueshëm të votave për t’u bërë deputete, disa media kanë raportuar të kundërtën.

Ndërsa një lajmi tjetër, gjithashtu jo i vërtetë, i ka kontribuar vetë Erleta, duke paralajmëruar largimin e saj nga Lëvizja Vetëvendosje, lajm të cilin tani e mohon.
Vajza e veprimtarit Ukshin Hoti, ish gazetare në RTK, duke reaguar rreth një lajmi të publikuar në televizionin ku ka punuar deri pak kohë më parë, thotë se nuk është e vërtetë as që i ka fituar votat për deputete, e as që po largohet nga Vetëvendosje.

Ajo përmes një postimi në Facebook, ka shprehur indinjatë ndaj televizionit publik, për mungesë profesionalizmi.

“Skandal Politik: Erleta Hoti edhe pse e ka fituar mandatin si deputete ne Kuvend te Kosovës do te largohet nga Levizja Vetevendosje!
1. Te nderuara medie, ne krye me lajmet qendrore te RTK-se “profesioniste”, a keni mundesi mos me shpernda dezinformata paraprake se jam ne Kuvend, kur faktet mund t’i nxirrrni ne faqen zyrtare te KQZ-se? Mos ja fusni kot sipas qejfit tuaj.
2. Nga LVV nuk po largohem jo, vecse po bej shaka me ju, ashtu sikurse ju qe po beni me mua!”, ka shkruar Hoti në profilin e saj privat në Facebook. (Reporteri.net)

Më Shumë

Bob Dylan: Nëse ndonjëherë ju kërkohet të shikoni veten, mos e bëni

Bob Dylan ka qenë për më shumë se pesë dekada një influencë e jashtëzakonshme në muzikën dhe në kulturën botërore, jo vetëm me notat...

Shkyçen 26 lidhje Ilegale të ujit në Prizren dhe Malishevë

Kompania Regjionale e Ujësjellësit "Hidroregjioni Jugor" në Prizren ka identifikuar dhe shkyçur 26 lidhje ilegale nga rrjeti i ujësjellësit gjatë aksionit javor të ekipeve...

Lajmet e Fundit