Besim Berisha ia ka falur gjakun e djalit familjes së dëshmorit, Ymer Shala në Jeshkovë të Prizrenit. Pajtimi i këtyre dy familjeve është arrit dhjetë ditë pasi që Ukshin Shala, djali i dëshmorit Ymer Shala, aksidentalisht privojë nga jeta Gjelbrim Berishën.
Pajtimi i tyre është arritë si rezultat i angazhimit të Këshillit të Pajtimit të prirë nga Fetah Bekolli,Zafir Berisha, Florim Islamaj Agim Maçkaj Mehmet Shala dhe Hoxha i fshatit Malësi e Vërrinit Samedim Maçkaj.
Babi i të vrarit Besim Berisha, pasi fali gjakun e të birit Gelbrimit,tha se “kjo vrasje ishte aksididentale dhe se miqësia mes këtyre dy familjeve do të vazhdojë pasi që edhe familja Shala e ka ndier si dhimbje të madhe vrasjen e Gjelbrimit”.
Ndërkaq Fidan Shala tha se ky pajtim ka gëzuar gjithë fshatin Jeshkovë.
“Fshati Jeshkovë është fshat i vogël dhe kjo vrasje aksidentale ishte e para në këtë fshat” .
“Prandaj, këtij pajtimi i janë gëzuar të gjithë”.
Anëtarët e Këshillit të Pajtimit janë shprehur të gëzuar që kanë arrit të pajtojnë këto dy familje.
“Këto dy familja do ta vazhdojnë miqësinë dhe fqinjësinë e hershme që kishin mes veti”, ka thënë Fetah Bekolli nga Këshilli i Pajtimit. /TV BESA/