Një vëllim poetik që del në libraritë e Tiranës me autor Sokol Olldashin, janë botuar nga familja e tij. Kjo përmbledhje poezish paraprihet nga një parathënie e shkrimtarit Dritëro Agolli.
“Panorama” raporton se poezitë i janë dedikuar jetës, dashurisë, vetmisë, vdekjes, etj.
“Pa asnjë pikë hidhërimi
që kënaq veç hipokrizinë tuaj,
ju njoftoj se unë kam vdekur.
E pikërisht në këtë çast,
për herë të parë ndihem i gjallë,
trup,
real.
Metamorfozë makabre
m’i ndryshoi gjymtyrë.
Njeriu si ju më solli mendime reptile
me të cilat të rend qoftë dhe një herë”.
Kjo është një prej poezive të Olldashit, e cila përqesh vdekjen, por dhe hipokrizinë e njerëzve në rast vdekjesh.
“Unë dhe Unë”- Poezi 2013 (botues “Gent-grafik”). Kështu titullohet vëllimi poetik që del në libraritë e kryeqytetit, me autor Sokol Olldashin.
Agolli ka thënë se ka pasur një njohje me familjen e Olldashit që në kohët kur Dashnor Mamqi ishte kryeredaktor i gazetës “Zëri i Popullit”.
“Poezitë m’i solli ime bijë, Elona. Më kërkoi t’i lexoja. Më pëlqyen”, është shprehur Agolli, i cili ka qenë mik me Olldashin.