Grupi nga Shqipëria Fanfara Tirana do të performojnë në natën e fundit të DokuFest, më 24 gusht, në kinemanë e vjetër të Lumbardhit.
Skena do të rrapëllojë dhe të rrokulliset me repertoarin e shpejtë, ritmik dhe të gërshetuar me etno melodi nga Fanfara Tirana të cilat shpërthejnë përmes instrumenteve të jo më pak se 14 muzikantëve që performojnë dhe vallëzojnë të gjithë bashkë. Fanfara Tirana përbëhet nga anëtarë të grupit ushtarak të forcave të Shqipërisë të cilët kanë luajtur muzikë në dasma dhe festa para se të niseshin për në turneun e tyre nëpër të gjithë Evropën. Ata performuan në festivalet më të mëdha evropiane dhe kështu i dhanë jetë muzikës së tyre Balkan brass boom të kombinuar me vokale polifonike fantastike.
Repertoari i tyre vjen nga muzika tradicionale shqiptare përzier me ritme të tjera ballkanike ku përfshihen stile nga i gjithë vendi, rajoni dhe bota. Fanfara Tirana do të performojnë më 24 gusht dhe mbyllin DokuFest-in me muzikë të ëmbël, të hidhur, djegëse dhe të vërtetë. /PrizrenPress.com/