16 C
Prizren
E enjte, 3 Korrik, 2025

Faqja që menaxhohet nga VV-ja zbulon se Hajrulla Çeku bëhet ministër

Java e ardhshme do të jetë javë finale për krijimin e institucioneve të reja në Kosovë. Të hënën pritet që, pos konstituimit të Kuvendit, të votohet edhe qeveria e re. Ndërkaq gjatë javës është diskutuar mundësia që të thirret seancë edhe për presidentin. Deri më tani, disa persona dihet se do të emërohen në krye të dikastereve qeveritare, raporton Gazeta Express.

Njëri nga personat që po përflitet se do të jetë në krye të dikasterit të Kulturës, është Hajrullah Çeku.

Express e ka kontaktuar dje gjatë ditës të njëjtin për të marrë ndonjë konfirmim nëse është i propozuar për ministër në Qeverinë Kurti 2. Ai nuk ka folur për gazetën.

Se Ceku do të bëhet ministër e thotë faqja “mekryeministrin” që menaxhohet nga aktivistë të LVV-së.

“meKryeministrin.info ka mësuar nga burimet e saj se Ministrinë e Kulturës, Rinisë dhe Sportit do ta drejtojë, deputeti nga radhët e Lëvizjes Vetëvendosje Harjullah Ceku, i cili vie nga qyteti i Prizrenit”, thuhet në njërin nga lajmet që ka publikuar kjo faqe.

Hajrullah Ceku më parë ishte zëvendësministër në Qeverinë e Edi Ramës, në Shqipëri. Ai për një kohë drejtoi dikasterin e Turizmit.

I njëjti në zgjedhjet e 14 shkurtit ka siguruar për herë të dytë ulëse në Kuvend të Kosovës./GazetaExpress/

Më Shumë

Totaj prezanton raportin gjashtëmujor të punës së Komunës së Prizrenit

Kryetari i Komunës së Prizrenit, Shaqir Totaj, ka paraqitur sot publikisht raportin gjashtëmujor të punës së ekzekutivit për periudhën 1 janar – 30 qershor...

Vetëvendosje e quan ‘Zonë të Krimit’ Komunën e Prizrenit

“Shtëpia e Bardhë - Zonë e Krimit”. Kështu e ka quajtur Lëvizja Vetëvendosje Komunën e Prizrenit, teksa ka reaguar ashpër ndaj raportit të Zyrës...

Lajmet e Fundit