Fatmir Limaj ka paralajmëruar kthimin në politikë. Ai këto komente i ka bërë në Kleçkë gjatë pritjes që ka organizuar për qytetarët, vetëm disa ditë pasi është shpallur i pafajshëm në rastin “Kleçka”.
Limaj ka thënë se Kleçka është vendi ku kanë dhënë jetën shumë dëshmorë për lirinë e Kosovës. “Vendi ku jemi sot, është vendi i lirisë, i themelimit të njësive të para të Ushtrisë Çlirimtare të Kosovës, ky është vendpushimi i parë ku ne e kemi bërë me dëshmorin Ismet Jashari dhe sot është një vend siç e shini ju ku janë dëshmorët”, ka thënë Limaj për RTK.
I pyetur për të ardhmen e tij politike, Limaj ka thënë se do të jetë aktiv në politikë. “Patjetër, do ta vazhdojë punën time për vendin”, ka thënë Limaj.