Festa e rinisë, e njohur ndryshe si Festari, në Komunën e Suharekës, ka nisur të hënën dhe do të përfundojë këtë të diel.
Festari, i cili ka filluar të mbahet në komunën e Suharekës, që nga viti 2002, e tani është bërë festë tradicionalë në këtë komunën, mbahet në javën e fundit të muajit shator me aktivitete të ndryshme, kulturore, sportive, artistike, humanitare.
Në kuadër të kësaj feste zhvillohen aktivitet të ndryshme, si gara të ndryshme sportive, shfaqje teatrale, koloni të artistëve nga disa shtete të ndryshme ngjarje bamirësie.
Zëdhënësi i komunës së Suharekës, Reshat Reshitaj, tha për KALLXO.com, se festari është bë tani më një festë tradicionale për komunën e Suharekës.
“Festari është festa e rinisë dhe e gjithë qytetarëve të komunës së Suharekës, e cila ka filluar që nga vitit 2002 dhe kjo është hera e 14, do të thotë është bë tradicionale dhe çdo herë organizohet në javën e fundit të muajit shtator”, thotë Reshitaj.
Po ashtu i njëjtit tregoi se në kuadër të festarit është edhe kolonia e artistëve që vini nga Kanadaja, Bullgaria, Shqipëria, Maqedoni.
“Artistët janë jo vetëm mbarë kombëtar por edhe ndërkombëtarë, kemi nga Kanadaja, Bullgaria, Shqipëria, Maqedoni e kështu me rradhë”.
Artistë vijnë nga disa shtete, ku pikturojnë piktura të ndryshme, për komunën e Suharekës, të cila komuna më vonë i përdorë për dhurata për delegacione të ndryshme.
Në kuadër festarit u realizua edhe dhurimi i gjakut. Disa qytetarë kanë dhënë gjak në kuadër të këtij aktiviteti, me moton “dhuro gjak, shpëto një jetë”.
Festari do të zgjatë deri ditën e diel, ku do të përmbyllet me turnirin e pingpongut. /Kallxo.com