Edicioni i 26 i Festivalit të muzikës për fëmijë ”Fëmijët e Gëzuar” mbahet sot në Ferizaj. Organizatorët e këtij festivali kanë bërë të ditur të enjten se për vendin e parë do të garojnë 19 këngëtarë, të ardhur pothuajse nga të gjitha viset e Kosovës por edhe nga Shkupi.
Drejtori artistik i festivalit, Nazmi Aliu, ka thënë për Kosovapress, se ky festival tradicional gradualisht po e merr edhe karakterin e festivalit mbarëkombëtarë. Aliu ka thënë se juria seleksionuese e ka pasur të vështirë të përcaktohet për këto 19 këngë ngase konkurrenca ka qenë mjaftë e lartë.
Organizatori i festivalit ka paraparë edhe shpërblime për më të mirët. Drejtori Aliu, ka shpjeguar se do të shpërblehen tre më të mirët, do të vlerësohet teksti më i mirë dhe do të ndahet edhe shpërblimi i publikut. “Marrin pjesë këngëtarë dhe kompozitorë më të mirë. Sivjet konkurrenca është më e madhe, për këtë arsye e kemi paraparë që edhe shpërblimet të jenë më të pakta se vitet e kaluara”, ka thënë Nazmi Aliu.
Merret vesh se prej konkurrentëve do të paraqiten edhe Albana Berisha, Blinera Muzhaku, Blerta Haliti, Arbnora Rexhepi etj. Juria profesionale do të jetë nà « përbërje, Sami Piraj, Shqipe Halili dhe Pranvera Sylejmani.