Kampionët e Kosovës e filluan shumë mirë, duke dominuar nga fillimi i ndeshjes.
Ata ishin bindshëm më të mirë në çerekun e parë që e fituan 33:17.
Therandasit vazhduan me lojë të mirë, për të kontrolluar në tërësi ndeshjen dhe duke thelluar epërsinë në 27 pikë, kurse pjesa e parë përfundoi me shifrat 61:36.
Vendasit nuk u ndalën as në periodën e tretë, për të thelluar epërsinë minutë pas minute, ku më e larta ishte 46 pikë, 93:47, ndërsa rezultati në semafor pas 30 minutash ishte 93:48.
Fitorja ishte siguruar dhe dhjetë minutat e fundit ishin vetëm formalitet me Yllin që triumfoi në fund me rezultat 111:74, transmeton Klankosova.tv.
Ylli ka nëntë fitore dhe katër humbje, kurse Drita 12 humbje në 12 ndeshje.
Te Golden Eagle Ylli u dalluan Henrik Sirko me 24 pikë, 15 kërcime dhe 11 asistime, Erjon Kastrati me 22 pikë e tetë asistime dhe Gëzim Morina me 14 pikë e 12 kërcime.