Kryetarët e nëndegëve të Partisë Demokratike të Kosovës(PDK) Dega në Prizren, kanë diskutuar për përgatitjet e zgjedhjeve nacionale,që pritet të mbahen këtë vit. Në takimin e Kryesisë së PDK-së, ka marrë pjesë edhe kryetari i Komunës së Prizrenit, Ramadan Muja.
Gjatë këtij takimi nga ana e kryetarit të Degës së PDK-së në Prizren z. Minir Krasniqi është kërkuar angazhim maksimal nga të gjitha strukturat e PDK-së, në prag të fushatës paraelektorale, për zgjedhjet nacionale të cilat do mbahen gjatë këtij viti.
Gjithashtu në kuadër të përgatitjeve, nga ana e shtabit zgjedhor të PDK-së në Prizren, për zgjedhjet nacionale, përfaqësuesit e nëndegëve kanë diskutuar edhe për formimin e nën shtabeve zgjedhore, nëpër nëndegët e PDK-së, të cilat në këto zgjedhje do kenë një rol të rëndësisë së veçantë, në fushatën paraelektorale dhe në ditën e zgjedhjeve”
Kryetari Ramadan Muja, ndërkaq foli para kryetarëve të nëndegëve, për rendësinë e madhe që kanë zgjedhjet nacionale, jo vetëm për PDK-në, por edhe për shtetin e Republikës së Kosovës, duke theksuar se “qeverisja e mirë e PDK-së dhe e Kryeministrit Thaçi, e ka ndryshuar Kosovën pozitivisht, andaj falë kësaj qeverisje të mirë, qytetarët tanë, kanë jetë më të mirë dhe më dinjitoze”
Kryetari i Degës së PDK-së, Minir Krasniqi,ndërkaq ndër të tjera si të arritura ka cekur, rritjen e pagave, nga ana e Qeverisë së Kosovës, marrjen e vendimit për formimin e Ushtrisë së Kosovës si dhe anëtarësimin e Republikës së Kosovës nëpër shumë mekanizma ndërkombëtar, andaj me fitoren e radhës së PDK-së dhe kryeministrit Thaçi, Kosova dhe qytetarët e saj do kenë një të ardhme më të sigurt, me vizionin e qartë për zhvillim ekonomik të vendit tonë./PrizrenPress.com/