27.8 C
Prizren
E premte, 19 Korrik, 2024

FOTO/ Deti nxjerr pako me 50 kg kanabis në plazhet e Brindisit

Valët e detit kanë nxjerrë në breg mbi 50 kilogramë marijuanë orët e fundit, në plazhet nga Speçhiolla në Diana Marina, në provincën e Brindisit.

Mbi pakot e drogës ka pasur disa shenja me bojë të kuqe, të ngjashme me svastikën. Vendi ku ka dalë droga, në veri të Brindisit, është ndër më të rrahurit nga trafikantët që kalojnë Adriatikun.

Të njoftuar nga pushuesit në Speçhiolla, kanë ndërhyrë forcat e rendit që kanë “peshkuar” pakot, të cilat përmbanin rreth 19 kile marijuanë. Nga dëshmitë e disa prej plazhistëve, një barkë me motor ishte shfaqur aty pranë, duke kaluar disa herë.

Ndërkohë, në plazhin në Diana Marina ishte një avokat vendas që vuri re një pako të dyshimtë dhe njoftoi komisariatin e policisë. Pas hapjes së pakos, u gjetën mbi 30 kile marijuanë.

Nuk ka asnjë shenjë që mund të flasë me siguri për origjinën e drogës, por hetuesit thonë se ky është një aks i konsoliduar i trafikut, sidomos me Shqipërinë.

Image

Më Shumë

Shaqiri mund të rikthehet në Basel

Xherdan Shaqiri mund të rikthehet në Basel, aty ku u formua si lojtar profesionist. “Mendoj se nëse të dyja palët duam me të vërtetë kalimin...

Arrestohet një person në Malishevë, i gjendet një pushkë gjuetie me dy fishekë

Është arrestuar një person në Vërmicë të Malishevës, pasi tek i njëjti është gjetur dhe sekuestruar një pushkë gjuetie me dy fishekë. Policia ka bërë...

Lajmet e Fundit