Ministri i Punëve të Brendshme të Francës, Bernard Cazeneuve, pas sulmeve të sotme në Bruksel, ka thënë se sistemi Shengen duhet të vihet menjëherë në pikëpyetje dhe të përforcohet siguria për shkak të rrezikut të sulmeve terroriste.
Ai ka deklaruar se kjo është një situatë që shton dhe më shumë emergjencën për të bërë një debat parlamentar për të ndryshuar modelin e kontrolleve.
“Duhet të luftojmë edhe më shumë dokumentet falso që mund të paraqiten nëpër aeroporte dhe në kufijtë e jashtëm të BE-së. Është thelbësore të mbajmë një vigjilencë”, ka deklaruar Cazeneuve.
Ai ka thënë se të gjitha institucionet për garantimin e jetës në Francë janë në nivel sigurie.
“1000 forca shtesë janë vendosur në kufirin hyrës me Belgjikën prej arrestimit të Abdeslam”, ka thënë ai.
“Prej sulmeve të 13 nëntorit në Paris dhe në operacionet e organizuara 6 milion njerëz kanë kaluar në kontrollin e policisë. Kryeqyteti belg është gjendur këtë mëngjes nën kërcënimin e terrorizimit, të cilëve duhet tu përgjigjemi të gjithë së bashku”, ka thënë Caseneuve.