Ministria e Kulturës, Rinisë dhe Sportit ka bërë shpërndarjen e certifikatave për të rinjtë që kanë marrë pjesë në trajnimin për ndërmarrësi dhe zhvillim të planeve të biznesit.
Me këtë rast ministri i Kulturës, Kujtim Gashi ka thënë se si ministri janë në mbështetje të rinisë.
“Përmes këtyre trajnimeve i është dhënë mundësia për t’u trajnuar të rinjve nga të gjitha komunat. Unë dhe MKRS do të jemi në shërbim të të rinjve të Kosovës, që ata të mos e shohin si zgjidhje largimin nga Kosova. Në vitin 2019 i kemi dhënë fokus të veçantë fondit rinor”, tha ai, transmeton kp.
Përfaqësuesi nga organizatat implementuese të projekteve për trajnime për ndërmarrësi për të rinj, Safet Fazliu, janë befasuar me idetë e të rinjve për zhvillimin e bizneseve.
“Ajo çka mund të them për rinin është se kemi një rini shumë energjike, dhe jemi të befasuar nga idetë e tyre për zhvillim të bizneseve. Këto ide të juaja do të mbesin të pazbatuara nëse nuk ka mbështetje nga institucionet e Kosovës”, tha ai.
Fazliu ka kërkuar nga ministri që të rris buxhetin për trajnime të tilla