18.8 C
Prizren
E diel, 26 Maj, 2024

Gati njohja e diplomave të Fakultetit të Edukimit

Fakulteti edukimitStudentëve të Fakultetit të Edukimit, që kanë studiuar në programet gjatë periudhës së reformimit të këtij Fakulteti, e që janë interpretuar si ta paakredituara, do t’u njihen diplomat. Këtë vendim e ka marrë Ministria e Arsimit.
Udhëheqës të Fakultetit të Edukimit, sqaruan për Radio Kosovën, se gjatë periudhës së transformimit të programeve lëndore në fakultetet përkatëse, ato programe ishin të akredituara me kusht për një vit.

Studentët e gjeneratës së vitit 2011 dhe të vitit 2012-2013 në Fakultetin e Edukimit, kanë shprehur vazhdimisht shqetësimin se diplomat e tyre nuk do të njihen, pasi programet ku ata kanë studiuar ishin interpretuar si të pa-akredituara. Një studente, e cila tashmë është para diplomimit, ka frikën se për këtë arsye nuk do të mund të vazhdojë studimet Master.

“Kam frike se nuk do të na njihen diplomat pasi programet nuk janë akredituar nga Agjencia e Akreditimit. Kemi kërkuar sqarime nga udhëheqësit e Fakultetit, na kanë thënë që janë në kontakt me Ministrinë e Arsimit dhe po presim të bëhet një zgjidhje”, tha studentja.

Prodekani për Çështje Mësimore në Fakultetin e Edukimit, Zeqir Veselaj, sqaroi për Radio Kosovën, se në vitin 2010 kur është bërë akreditimi i Fakultetit të Edukimit, kanë aplikuar për akreditim me 10 programe për nivelin Bachelor dhe dy Master. Nga niveli Bachelor, tetë prej programeve lëndore janë akredituar me kusht një vit, që brenda atij viti të bëhet transferimi në bazë të reformës nga Fakulteti i Edukimit në Fakultetet të Shkencave, Filozofik dhe Filologjik. Veselaj sqaroi se ai transferim duhet të priste një vendim të Ministrit të Arsimit, i cili ndodhi dy vjet më vonë. Ndërkohë, në atë periudhë janë regjistruar studentë në tetë programe lëndore, që u interpretuan si programe të pa-akredituara. Prodekani i Edukimit, bëri të ditur se këto ditë Ministria ka marrë vendim që diplomat e studentëve të asaj gjeneratë të njihen.

“Këtë javë Ministri e ka lëshuar një vendim që siguron njohjen e diplomave të studentëve për qëllime të vazhdimit të studimeve Master. Me këtë vendim është qartësuar situata që këta studentë të mos kenë më brenga”, tha Veselaj.

Selvie Halimi, këshilltare e Ministrit të Arsimit Ramë Buja, tha se këto gjenerata i përkasin periudhës së transformimit të Fakultetit të Edukimit. Në këtë mënyrë, ajo tha se Ministria ka marrë të gjitha masat që ata studentë të mos kenë probleme për studime të mëtejshme.

“Ne nuk mund të rikthejmë, apo të veprojmë në mënyrë retroaktive, as Ministria e as Agjencia, që të bëhet akreditimi apo riakreditimi i këtyre programeve të cilat studentët i kanë ndjekur. Mirëpo, studentëve të kësaj faze të transformimit të Fakultetit të Edukimit, do t’u njihen diplomat edhe për studimet Master edhe për punësim”, tha këshilltarja Halimi.

Janë rreth 1000 studentë në këto tetë programe, që tani janë absolventë dhe pritet të diplomojnë. Studentët i përkasin gjeneratave të viteve 2011 dhe 2012, ndërkohë në gjeneratën e fundit 2012-2013 janë regjistruar vetëm nga 20 studentë në këtë programe.

Më Shumë

Nga Ilirida deri në Tuz, 12 skuadra shqiptare bëjnë Evropën të flasë ‘shqip’

Plot 12 skuadra shqiptare do të luajnë në kupat e Evropës këtë verë. Nga kualifikueset e Champions League deri te ato të Conference League...

Kosova në tehun e shpatës

Nue Oroshi Mospranimi i Republikës së Kosovës në Këshillin e Evropës nuk është lajm i mirë për Republikën e Kosovës. Kjo ndodhi për shumë arsye...

Lajmet e Fundit