Jan Kuciak, gazetari sllovake i vrarë bashkë me të dashurën e tij, kishte punuar “për më shumë se një vit” mbi aktivitetet e organizatës së famshme mafioze italiane ‘Ndrageta’ në Sllovaki dhe lidhjet e saj me politikanë të lartë në vendin e tij. Kjo u konfirmua nga Marek Vagovic, kreu i njësisë hetimore të vendit ku ka punuar Kuciack, Aktuality.sk. Tani, pas vrasjes së gazetarit, shumë nga kolegët e tij janë vënë nën mbrojtje të policisë.
Kuçak u përkushtua para së gjithash në gjetjen e skandaleve midis procedurave gjyqësore për mashtrime tatimore që përfshinin partinë në pushtet të kryeministrit Robert Fico.
Ai gjithashtu kishte marrë kërcënime nga një biznesmen i diskutueshëm, Marian Kocner, për të cilin kishte shkruar. Prej vitit të kaluar ai ishte duke u kujdesur për t’u infiltruar në mafian kalabreze, sepse kështu mund të zbulonte lidhjet e saj me politikanët më të lartë në Bratislavë, siç konfirmohet nga redaktor i tij për shtyp, Marek Vagovic, duke shtuar se Aktuality publikoi një hetim mbi përfshirjen e kompanive të menaxhuara nga mafia në tenderat publik dhe në tenderët e BE-së.
Një tjetër gazetar që punon në Sllovaki, kanadezi Tom Nicholson, tha në një intervistë për të përditshmen NVM, që Kuciak kishte folur për një hetim që ai ishte duke punuar, e që përqëndrohej tek mafia italiane dhe fondet e BE-së për bujqësinë sllovake.
Viktima kishte thënë se ishte gati të dëshmonte, por policia nuk e kishte kontaktuar atë. E njëjta gazetë e Bratislavës raportoi se dy biznesmenë italianë të lidhur me mafian do të bënin biznes me një asistent të kryeministrit Fico dhe një anëtar të partisë së tij.
Nga ana e tij, kryeministri ka mbrojtur stafin e tij dhe nxori para kamerave një milion euro para të gatshme që do të jepen si shpërblim për ata që do japin informacion për arrestimin e vrasësit.
“Ata nuk mund të lidhen me një vrasje të paramenduar të njerëzve pa paraqitur ndonjë dëshmi të rëndësishme”, tha Kryeministri.
Modalitetet e vrasjes së dyfishtë, në çdo rast, sugjerojnë punën e një profesionist i cili mund të lidhet me krimin e organizuar.
Kuçak u vra me një plumb në gjoks, ndërsa partnerja e tij u godit në kokë. Arma nuk u gjet, dhe askush nuk është arrestuar deri më tani. Sipas mediave lokale, ndër të tjera, disa fishekë janë gjetur pranë trupave të pajetë të dy të rinjve: ndoshta një paralajmërim, drejtuar gazetarëve të tjerë investigativë.
Vrasja e Kuçakut ka tronditur thellësisht Sllovakinë, sepse është e para në historinë e republikës së re evropiane. Nga Brukseli, Presidenti i Komisionit Evropian, Jean Claude Juncker ka “dënuar këtë akt frikacak”, duke theksuar se “vrasja apo frikësimi i gazetarëve nuk kanë vend në Evropë, nuk kanë vend në çdo demokraci.”