Ish-sulmuesi i Italisë, Sebastian Giovinco, është rikthyer në Itali, i cili pritet të firmosë një kontratë me klubin e Sampdoria-s.
Giovinco është lojtar i lirë pas përfundimit të kontratës me Al-Hilal në verën e kaluar, i cili tashmë është i gatshëm për t’iu rikthyer futbollit.
Mëngjesin e të martës, 35 vjeçari pritet t’i nënshtrohet ekzaminimeve mjekësore para se të nënshkruajë me Sampdoria-n.
Ai do të jetë zëvendësues i përkohshëm i Manolo Gabbiadini-t, i cili ka pësuar një lëndim të rëndë, që do ta mbajë jashtë fushave për një kohë të gjatë.
Ish-reprezentuesi italian nuk ka luajtur në Serie A që nga shkurti i vitit 2015 kur u largua nga Juventus-i drejt klubit të MLS, Toronto FC.
Givonco numëron 132 ndeshje me fanellën e Juventus-it, prej të cilave ka shënuar 20 gola.
Ai gjithashtu ka regjistruar 23 paraqitje zyrtare me kombëtaren e Italisë, ku ka shënuar një gol.
/Albanianpost.com