Nënkryetari i AAK’së Ardian Gjini, thotë se është dëshpëruar me vendimin e Gjykatës Kushtetuese. Ai ka thënë se gjyqtarët e kushtetueses janë fundërrina dhe kanë marr vendime me direktiva.
Gjini ka thënë se Gjykata detyrimisht e ka marr vendimin pro PDK-së, pasi sipas tij kështu kanë dhenë urdhra drejtuesit e kësaj partie, të cilën e ka quajtur kriminale.
“Këta gjyqtarë janë turp, turpi i Kosovës, dikush e ka qujt dikan turp, unë po ju them se turpi i Kosovës janë këta njerëz që nuk e kanë lexu Kushtetutën hiq”, tha Gjini.
Gjini thotë se vendimi i Gjykatës Kushtetuese është antikushtetues por Blloku e ka zgjidhjen
“Jam dëshpëru goxha shumë me vendimin e Kushtetueses”, tha Gjini në “Interaktiv” të KTV’së.
Ai tha se ky vendim i Kushtetueses ishte antikushtetues dhe se ka fyer demokracinë.
“Vendimi i Gjykatës Kushtetuese është kundërkushtetues fatkeqësisht. Është fyer demokracia, kushtetueshmëria, janë fyer deputetët e Kosovës.Por edhe pas kësaj situate, ka rrugë për zgjedhjen e Mustafës kryeparlamentar dhe zgjedhjen e Haradinajt për kryeministër”, tha ai.
Por edhe në këtë situatë, Gjini tha se Blloku ka zgjidhje.
“Edhe në këtë vendim që e kanë nxjerr ka rrugë, që ne ta nxjerrim zotin Mustafa kryetar të Kuvendit dhe pastaj të procedojmë me zgjedhjen e qeverisë së Kosovës me në krye zotin Haradinaj. Prapë se parë ju thash rrugët janë te spjegimet 114 115 116 te pikat e vendimit dhe 126 dhe 127”, tha Gjini.