Kryeministri në detyrë, Hashim Thaçi ka falënderuar Kancelaren Merkel për iden për të mbledhur liderët e shteteve të Ballkanit Perëndimor.
“Kosova tani e ka vendin e vet të sigurt dhe të palëkundshëm në arkitekturën e Europës moderne. 100 vjet pas Luftës së Parë Botërore, pas katrahurave tona nën okupim njëshekullor dhe e rrethuar me konflikte tjera të përgjakshme midis shteteve të Ballkanit, republika më e re europiane është faktor stabiliteti dhe progresit shtet-ndërtues”, ka shkruar ai në Facebook.
“Për këtë falënderojmë Gjermaninë nën lidershipin e Kancelares Merkel, miqtë e tjerë në Quint, rolin e pazëvendësueshëm te SHBA-ve si dhe të gjitha shtetet e BE-së që kanë hapur dyert për perspektiven europiane të shtetit tonë. Jemi në një momentum të ri, kualitativ për Kosovën evropiane”. /PrizrenPress.com/