Nënkryetari i Aleancës për Ardhmërinë e Kosovës (AAK), Aridan Gjini ka kritikuar LDK-në, e cila në hapje të fushatës kishte ftuar ish-ministrin e Jashtëm të Sllovakisë, Mikulas Dzurinda, i cili publikisht ka dalë kundër pavarësisë së Kosovës.
Gjini në profilin e tij në “Facebook”, siç raporton’Epoka e Re”, ka shkruar se ish-presidenti Rugova sikur të ishte gjallë nuk do ta ftonte një njeri, i cili është kundër pavarësisë.
“Nuk besoj se presidenti Rugova do të pranonte që fushatën e tij ta hapte një njeri që lobon kundër pavarësisë se vendit. Oooo LDK çka iu ka gjetur more?”, ka shkruar Gjini.