Gjykata Themelore e Prizrenit ka anuluar aktvenimin e pezullimit të konkursit për mësimdhënës që ishte shpallur më 4 nëntor të vitit të kaluar.
Drejtoria e Arsimit, ndërkaq ka njoftuar kandidatët për vazhdimin e intervistimit.
“Njoftohen të gjithë aplikuesit (kandidatët) në konkursin nr.01-111-154376 të datës 04.11.2019, se procesi i këtij konkursi do të rifillojë (vazhdojë) bazuar në AKTVENDIMIN e Gjykatës Themelore në Prizren (C.nr.1898/19), me të cilin është refuzuar kërkesa e propozuesve për caktimin e masës së sigurisë për PEZULLIMIN e konkursit në fjalë”, njofton Drejtoria e Arsimit në Prizren, shkruan “PrizrenPress”.
Konkursi do të vazhdojë me procesin e vlerësimit me shkrim të kandidatëve të cilët i kanë plotësuar kushtet e kërkuara në konkurs.
Gjykata e Prizrenit pati caktuar masën e përkohshme të sigurimit për këtë konkurs në bazë të propozimit të kandidatëve që janë përzgjedhur si më të suksesshëm në konkursin e ngjashëm të zhvilluar gjatë verës së vitit të kaluar./PrizrenPress.com/
Linku
Lista e kandidatëtve të cilët kanë konkuruar
https://kk.rks-gov.net/prizren/wp-content/uploads/sites/26/2020/07/Dokumentet-per-konkurs.pdf