Analistët vlerësojnë se për Qeverinë kosovare po vijnë ditë të vështira, pas fillimit të protestave kundër themelimit të Gjykatë Speciale dhe dënimit të ish-krerëve të UÇK-së
Dështimi i seancës së djeshme të Kuvendit të Kosovës, për votimin e amendamenteve kushtetuese që hapin rrugë për krijimin e Gjykatës Speciale dhe miratimin e Ligjit të veçantë për këtë Gjykatë, nga opozita dhe analistët politikë po shihet si një rrezik serioz i funksionimit të koalicionit qeveritar PDKLDK.
Glauk Konjufca, kryetar i grupit më të madh parlamentar në Kuvendin e Kosovës nga LËVIZJA VETËVENDOSJE, thotë se kur preken themelet e vlerave tona kombëtare, zakonisht edhe nëpër vendet e tjera vendoset në pikëpyetje koalicioni qeverisës dhe bien qeveritë, për arsye se këtu kemi të bëjmë me një lëkundje serioze të legjitimitetit të lirisë së shqiptarëve.
“Nëse lejojmë që të krijohet kjo Gjykatë’, sepse kjo Gjykatë është e njëanshme dhe me baza etnike, ne nuk besojmë se kjo i kontribuon drejtësisë dhe zhvillimit të vendit as realitetit historik të vendit, sikur që e dimë ne të vërtetën që ka ndodhur në luftën tonë për çlirim”, tha Konjufca./Kosova Sot/