Gjykatësi Kadriu Kryeziu nuk do të jetë pjesë e ekipit të gjyqtarëve që do ta thonë fjalën e tyre për çështjen e mandatarit për krijimin e Qeverisë së re. Gjykata Kushtetuese tashmë është duke e shqyrtuar rastin e pjesëmarrjes së tij në tubimin e PDK’së. Kjo është edhe arsyeja që atij nuk do t’i lejohet të japë mendimin e tij për pyetjen që Presidentja e ka dërguar në Gjykatë.
Burime të Gazetës Express thonë se edhe pse Presidentja e Kosovës e ka dërguar tashmë pyetjen në Gjykatë, Gjykatësi Kadri Kryeziu i cili ka marrë pjesë në një tubim zgjedhor të PDK’së nuk do të jetë pjesë e shqyrtimit për lëndën e Qeverisë.
Sipas burimeve, kjo ndodhë për faktin se me pjesëmarrjen e tij në një tubim të PDK’së, Kryeziu ka shfaqur preferencë politike.
Kryetari i Gjykatës Kushtetuese Enver Hasani tashmë ka treguar se për rastin e Kryeziut është krijuar një komision i vecantë.