Dukagjin Gorani, anëtar i Kryesisë së Lëvizjes “Vetëvendosje”, thotë gjatë një interviste për “Zërin” se zëvendëspresidenti amerikan, Joe Biden, haptas i akuzoi për zhvatje presidentin Thaçi dhe kryeministrin Mustafa.
Ai flet edhe për kërkesën e numrit dy të SHBA-ve që të miratohet demarkacioni me Malin e Zi dhe të themelohet Asociacioni i Komunave me shumicë Serbe
“Nuk ishte lehtë këto ditë të jeni kryeministër apo kryetar në Kosovë dhe ta dëgjoni nënpresidentin e Shteteve të Bashkuara, Joe Biden, teksa haptazi ju akuzon për kapjen dhe zhvatjen e vendit tuaj. Vërtet duhet pasur lëkurë të trashë për t’i qëndruar kësaj”, ka deklaruar Gorani, pak ditë pas vizitës që zhvilloi në Kosovë numri dy i Shteteve të Bashkuara të Amerikës.
Gorani thotë se mesazhi kryesor i Biden është se për qeverinë amerikane, armiku më i madh i Kosovës është pushteti i saj i korruptuar./Zeri/