Janë mobilizuar.
Dëshirojnë që në zgjedhjet e 6 tetorit të triumfojnë me fitore.
Gratë e LDK-së në Prizren, në një takim të përbashkët, janë dakorduar për mobilizim në zgjedhjet e tetorit.
I pranishëm ishte edhe kryetari i Degës, Anton Quni.
Kryetarja e Forumit të Gruas, njëherë kandidate për deputete të Kuvendit, Sadije Osaj-Jakupi, tha se gratë kanë dhënë shembull se janë të gatshme të marrin përgjegjësi shtetërore.
“Vjosa Osmani është shembulli më i mirë i një gruaje në politikë ”, tha ajo.
Ndërkaq, kryetari Anton Quni, tha se gratë dhe burrat e kanë hapësirën e njëjtë në LDK.
“Kjo u dëshmua me nominimin për kryeministre të Vjosa Osmanit”, u shpreh ai.
Të pranishmet i kanë përshëndetur edhe kandidatët: Hyrë Tejeci, Hatim Baxhaku e Driton Selmanaj.
Kandidatja e LDK-së për kryeministre të Kosovës, Vjosa Osmani të dielën qëndron në Has./PrizrenPress.com/