Rep artistët e njohur të grupit ‘KGB’ edhe pse jo shumë kohë më parë në treg sollën këngën e tyre ‘Danger’ e cila u mirëprit nga dashamirët e muzikës HipHop, duket se nuk e kanë në plan të ndalen.
Në një bisedë për gazetën Tribuna, Shkëlqim Ravja, anëtar i treshes së KGB-së, ka treguar se ata tashmë janë në proces të përfundimit të albumit të tyre të dytë.
“Jemi në përfundim të albumit tonë të dytë. Besoj që pas sezonit të verës ky projekt do të publikohet, diku kah muaji shtator apo tetor”, ka thënë Shkëlqimi në fillim të bisedës, duke treguar tutje që albumi do t’i ketë dymbëdhjetë këngë të cilat do të jenë hip-hop i mirëfilltë.