Anëtari i kryesisë së PDK-së, Xhavit Haliti, e ka vlerësuar pozitivisht iniciativën e presidentes Atifete Jahjaga për t’i takuar liderët e partive parlamentare për çështjen e konstituimit të Kuvendit të Kosovës.
Ai ka kërkuar nga të gjithë partitë politike ta mbështesin këtë iniciativë të Jahjagës. Haliti ka thënë se PDK-ja është e gatshme të bëjë edhe kompromise me partitë e tjera politike në mënyrë që Kosova t’I ketë institucionet e reja, shkruan Epoka e Re.
“ Nëse jemi të gatshëm të bashkëqeverisje, është normale të jemi të gatshëm edhe për kompromise”, ka deklaruar Haliti, duke shtuar se PDK-ja nuk ia ka mbyllur derën as qeverisë gjithëpërfshirëse.