Sebastien Haller disa ditë më parë u diagnostifikua me turmor testikular. Sulmuesi u detyrua të braktiste fazën përgatitore me skuadrën e re, Borussia Dortmund-in, duke u shtruar në spital.
Drejtori sportiv i Borussia Dortmund, Sebastian Kehl ka dhënë përditësimin më të fundit rreth ish-sulmuesit te Ajax-it.
“Sebastien iu nënshtrua një operacioni të suksesshëm javën e kaluar”, tha Kehl.
“Gjetjet janë ende duke u analizuar, rruga e trajtimit po diskutohet tani, ka rrugë të ndryshme për të ndjekur”.
“Sigurisht që do të jemi pa të për disa muaj”, vijoi ai.
Sa i përket mënyrës sesi Dortmund-i do të zëvendësojë sulmuesin, i cili iu bashkua klubit nga Ajax në fillim të kësaj vere, Kehl tha “Ne po përgatitemi për skenarë të ndryshëm. Ne po punojmë për opsione dhe ide të ndryshme”.
“Për momentin, asgjë nuk është konkrete. Sinqerisht, mendoj se skuadra jonë na ofron shumë mundësi”, përfundoi Kehl.
/Albanianpost.com