Të gjitha vendvotimet në pjesën veriore të Mitrovicës janë hapur me kohë dhe materiali ka arritur pa ndonjë incident, edhe pse nën masa të rrepta të sigurisë.
Rivotimi në pjesën veriore të Mitrovicës, gjegjësisht, në tri vendvotime, dhe atë në shkollën e mjekësisë, shkollën teknike dhe shkollën Shën Sava, vjen si rezultat i sulmeve të këtyre qendrave të votimit nga ana e huliganëve serb, dhe shkatërrimit të pjesshëm të materialit zgjedhor, gjatë 3 nëntorit,transmeton Indeksonline.
Institucionet e Kosovës dhe bashkësia ndërkombëtare, ka kërkuar nga banorët serb të Mitrovicës, të tregojnë maturi dhe të dalin të ushtrojnë të drejtën e tyre demokratike.
Beogradi zyrtar ka përsëritur të shtunën thirrjet për pjesëmarrëje në zgjedhje, duke thënë se ato janë opsioni i vetëm për serbët e veriut të Kosovës.
Njëzetetremijë qytetarë të kësaj pjese kanë të drejtë të hedhin votën për të zgjedhur udhëheqësit komunalë.