Kënga “Happy” nga artisti amerikan Pharrell Williams është bërë kënga me shkarkuar e të gjitha kohërave në Britani të Madhe. Shifra e shkarkimeve ka kapur 1.62 milionë, që prej hedhjes në treg.
Kënga ka qenë numri një për një kohë në klasifikimet e këngëve në mbarë botën.
“Të kesh tri këngë midis 10 më të shkarkuarave nga të gjitha kohërat, përfshirë këtu të parën, këngën shumë të dashur ‘Happy’, është një arritje e madhe.
Pak artistë kanë dominuar një periudhë ashtu siç ka bërë ai dy vitet e fundit – ai është një fenomen i vërtetë i kohës tonë”, ka thënë Martin Talbot, drejtues i Official Charts Company.
Kënga e dytë në këtë listë e “Blurred Lines” nga Robine Thicke, producent i së cilës ishte vetë Pharell Williams, ndërsa e treta është “Someone Like You” nga Adele. Pharrell është i përfshirë edhe në këngën e gjashtë më të shkarkuar, “Get Lucky” nga Daft Punk.