Hashim Thaçi mbetet lideri më i votuar në Kosovë që nga viti 2007, mirëpo sivjet ai personalisht ka marrë mbi 53 mijë vota më pak sesa në zgjedhjet e fundit.
Kryetari i PDK-së, nga rreth 75 për qind të votave të numëruara për kandidatë ka marrë 106 mijë e 978 vota, ndërkaq në vitin 2010 kishte marrë 160.850, që i bie 53.872 vota më pak.
Isa Mustafa, kryetar i LDK-së ka marrë 83 mijë 738 vota. (S’ka te dhane ne web-faqen e KQZ’se per votat e tij ne zgjedhjet e vitit 2010).
I treti më i votuar nga liderët partiak është Albin Kurti me 42 mijë 467 vota, ndërkaq në vitin 2010 ai kishte 58.467, që i bie fiks 16 mijë vota më pak.
Ramush Haradinaj ka marrë 35 mijë e 654 vota, ndërkaq në vitin 2010 kishte 54.713, që i bie se ka marrë 19.059.
Fatmir Limaj, që u nda nga PDK-ja ka marrë 19 mijë e 342 vota, ndërkaq në vitin 2010 kishte marrë 75.689, që i bie se 56.347 vota më pak.
Nga liderët tjerë të partive politike në Kosovë votat janë kështu:
Behgjet Pacolli tash ka marrë 13,313, ndërkaq në vitin 2010 kishte marrë 29.294, që i bie se ka marrë 15.981 vota më pak.