Kryetari i Prizrenit, Mytaher Haskuka, ka fajësuar opozitën për dështimin e seancës së jashtëzakonshme, në të cilën ishte parapar shqyrtimi dhe miratimi i propozim-buxhetit për vitin 2022, si dhe parashikimi për vitet 2023 dhe 2024.
Sipas tij, kuvendarët e opozitës nënshkruan për buxhetin personal, kurse e bojkotuan atë komunal.
Në mungesë të kuorumit, seanca është shtyrë për një ditë tjetër.
“Vënë nënshkrimin për buxhetin personal, por mungojnë për buxhetin komunal”, shkruan Haskuka.
“Seanca e tretë kur mungojnë kuvendarët e PDK, LDK, AAK dhe Nisma, por shumë interesante që janë nënshkruar në listën për mëditje”.
“Shumë dëshpëruese që rialokimi i buxhetit për gratë lehona në një vit të pandemisë nuk votohet. Falënderoj ata që ishin në sallë dhe I pritën kolegët për një kohë të gjatë. Qytetarët do të ju ndëshkojnë me 17 tetor!”.
