Kryetari i Komunës së Prizrenit, Mytaher Haskuka, sot ka inspektuar punimet që po realizohen në rrugën që lidh fshatrat Dedaj dhe Lugishtë e Hasit.
Në këtë rrugë, që ka gjatësi rreth 6km dhe gjerësi 5m, është bërë mbulimi i gropave, pastrimi i terrenit përskaj rrugës, shtrimi i shtresës së re me asfalt, dhe së fundi do të bëhet edhe sinjalizimi vertikal dhe horizontal i saj. Për këtë rrugë ishte bërë kërkesë për zgjerim deri në 1.5m në Ministrinë e Infrastrukturës, por një gjë e tillë nuk ishte aprovuar nga kjo e fundit.
Projekti i rrugës Dedaj – Lugishtë e Hasit është realizuar në kuadër të Drejtorisë së Shërbimeve Publike dhe vlera e tij arrin në rreth 250 mijë euro./PrizrenPress.com/