Kryetari i Prizrenit, Mytaher Haskuka, ka pritur përfaqësuesit e BE-së.
Postimi në Facebook
”Pas 5 vitesh ndërprerje të bashkëpunimit, zyra e BE-së në Kosovë është më se e interesuar përsëri për investime në Komunën tonë.
Në këtë takim u diskutuan nevojat në fusha të ndryshme: sundimi i ligjit, inspektimi i qendrës historike, themelimi i zyrës për qendrën historike dhe punën me nivelin qendror, në kuadër të kësaj zone. U dakorduam që të shikojmë mundësitë e bashkëpunimit në kuadër të fondeve IPA si dhe instrumenteve të ndryshme të BE-së në shërbim të kulturës,mjedisit dhe trashëgimisë në shërbim të zhvillimit ekonomik të Komunës së Prizrenit.
Me theks të veçantë u diskutua për investime të mundshme të BE-së për revitalizim të rrugës ”Marin Barleti” dhe kinemasë “Lumbardhi” si dhe për bashkëpunim në kandidaturën e mundshme të Prizrenit për programin “Kryeqyteti Kulturor Europian”, njofton në faqen e tij zyrtare kryetari i Prizrenit, Mytaher Haskuka.