Kryetari i Komunës së Prizrenit, Mytaher Haskuka, ka vlerësuar se shërbimet në zonën e Luginës së Lumëbardhit (Zhupës) dhe në zonat e tjera rurale duhet të rirregullohen. Kjo ngase banorët e zonave rurale duhet të marrin rrugën për në qytet edhe për shërbimet më elementare.
Këtë qëndrim Haskuka e ka shfaqur pas realizimit të një vizite në fshatin Mushnikovë, ku ka vizituar edhe ambulancën, shkruan sot “Koha Ditore”. Përmes një postimi në rrjetet sociale, kryetari i Prizrenit ka pohuar se në kuadër të kësaj vizite është njoftuar edhe për kërkesat konkrete të banorëve të këtij fshati.
“?shtë e domosdoshme të rirregullohen shërbimet në zonën e Zhupës dhe gjithandej zonave rurale të Komunës, ngase edhe për shërbimet më elementare banorët e kësaj zone malore duhet të udhëtojnë në qytet. Kjo, përveç shpenzimeve të shtuara shkakton kokëçarje dhe maltretim, veçanërisht gjatë stinës së dimrit”, ka theksuar Haskuka.
Vjet përfaqësuesit politikë nga radhët e komunitetit boshnjak patën kërkuar përmirësim veçanërisht të shërbimeve shëndetësore në Luginën e Lumëbardhit (Zhupë) … (