Kryetari i Komunës së Prizrenit, Mytaher Haskuka, sot ka pritur në takim kryeparlamentaren Vjosa R. Osmani.
Kryeparlamentarja Osmani me këtë rast u njoftua nga kreytari Haskuka për sfidat që po i kalon Komuna e Prizrenit gjatë pandemisë dhe në veçanti për mënyrën e organizimit të mësimit në distancë.
Si rrjedhojë, u vizitua edhe shkolla fillore “Emin Duraku” ku po zhvillohet mësimi në distancë për komunitetin turk dhe boshnjak, si dhe Qendra Kryesore të Mjekësisë Familjare, ku po bëhet një punë e jashtëzakonshme nga personeli mjekësor gjatë kësaj kohe të pandemisë.
Gjatë këtyre vizitave kryetari dhe kryeparlamentarja u shoqëruan edhe nga zëvendësministrat Xhavit Rexhaj dhe Enis Kervan, pastaj drejtoresha komunale e arsimit, Xhemile Thaçi Vezgishi, si dhe drejtori i shëndetësisë, Visar Shehu.
Kryetari Haskuka duke e falenderuar kryeparlamentaren për vizitën e saj theksoi se mbështetja e institucioneve të nivelit qendror ka rëndësi të madhe për tejkalimin e sa më të lehtë të kësaj pandemie./PrizrenPress.com/
