Kryetari i Prizrenit, Mytaher Haskuka, është solidarizuar sot me viktimat e gjenocidit të Srebrenicës dhe anëtarëve të mbijetuar të familjeve të tyre.
Ai tha se gjenocidi në Bosnje është më e tmerrshmja në Evropë që nga Lufta e Dytë Botërore.
“Në “Marshin e paqes” u solidarizuam me viktimat e gjenocidit të Srebrenicës dhe anëtarëve të mbijetuar të familjeve të tyre”.
“Në Srebrenicë burrat dhe djemtë u ndanë prej grave, u çuan në fushat e vrasjeve dhe u qëlluan prapa kokës me duar të lidhura. Më pas ushtria serbe tentoi t’i zhdukte dëshmitë, duke i hedhur 8000 trupat në varreza masive. Gjenocidi në Bosnje është më e tmerrshmja në Evropë që nga Lufta e Dytë Botërore”.
“Akte të këtilla kriminale të nisura në Srebrenicë, për shkak se nuk u dënuan mjaftueshëm në Bosnje, ushtria serbe i përsëriti edhe në Kosovë, në Reçak, Obri, Krushë të Madhe e në vende tjera”.
“Që këto ngjarje të mos përsëriten, duhet t’i përkujtojmë dhe të mos i harrojmë, duke pasur parasysh se fare pak persona përgjegjës janë gjykuar për to dhe që Serbia nuk e ka pranuar fajësinë për këto masakra”.
“Të dihet, të mos harrohet!”
/PrizrenPress/