Janë helmuar një grup nxënësish të shkollës fillore “28 nëntori” në Bresanë të komunës së Dragashit.
Nxënësit janë drejtuar në Qendrën e Mjekësisë Familjare në këtë lokalitet, mirëpo edhe pse kjo Qendër ka mjekun e vet të rregullt, ai nuk gjendej në vendin e tij punës , por në as nuk kishte ndonjë zëvendësues.
Nxënësve më pas u kanë ardhur në ndihmë mjekë të Qendrës Kryesore të Mjekësisë Familjare nga Dragashi.
Informacionin e ka bërë publik dega e LDK-së në Dragash, duke kritikuar organet kompetente për neglizhencë me rastin.
Për momentin nuk dihet rreth shkaqeve që shkaktuan helmimin e këtyre nxënësve. /TV Prizreni/