13.8 C
Prizren
E enjte, 28 Mars, 2024

Hije të humbuna

Enver Sulaj

Kambët më ranë sot tue kërkue rrajët e mia
Kurrkund lajmëtarë
As fjalë të lanuna peng.

Lisat kanë gjethue e i kanë ba hije zjarrmisë.

Kah mbramja
gjethet e blinit lëshuen aromën e kandshme.

Rrëfimi për luftën ashtë në fillim
Kur ka me mbarue kujtimi për natën
që m’i dogji neuronet?

Sa herë vij në këtë qytet
Më dalin para sysh hije të humbuna.

E zhduken sapo u flas
Dhe ndalem me ndërrue ndonjë fjalë përmallimi.

Prishtinë,
2021

Më Shumë

Lajmet e Fundit