19.8 C
Prizren
E shtunë, 1 Tetor, 2022

Hoffman vdiq nga përzierja e drogave

Philip Seymour3Aktori Philip Seymour Hoffman rezulton të ketë vdekur nga një mbidozë aksidentale e përzierjeve të drogave të ndryshme, përfshi heroinë, kokainë, amfetaminë dhe benzodiazepinë, bëjnë të ditur zyrtarët.

Fituesi i çmimit “Oscar” u gjet i vdekur në shtëpinë e tij në New York City, në moshën 46-vjeçare, më 2 Shkurt, me një shiringë në krahun e tij. Ai vuante nga varësia ndaj drogave, si dhe kishte pranuar së fundi se i ishte rikthyer përdorimit të tyre, pas një ndërprerje disa vjeçare.

Ekzaminuesit mjekësorë të New York-ut zbuluan rezultatet pas-vdekjes ditën e premte. Ai ka lënë pas partneren e tij, me të cilën ishte martuar prej 15 vjetësh, Mimi O’Donnell, dhe 3 fëmijë.

Pas 23 vitesh vetëpërmbajtje, raportohet se ai i ishte nënshtruar një kontrolli për trajtimin nga varësia e drogave, për 10 ditë gjatë vitit të kaluar, pasi kishte nisur përdorimin e tyre që prej 2012-s.

Trupi i pajetë i tij u gjet nga një dramaturg dhe mik i tij në pallatin ku jetonte, në rajonin periferik të Greenwich, në Manhattan, e më pas kishte mbërritur edhe policia, që kishte zbuluar dhjetra pako me heroinë.

Një nga aktorët më të admiruar të gjeneratës së tij, Hoffman fitoi çmimin më të lart akademik, “Oscar”, në vitin 2006, për rolin e tij si Truman Capote, në filmin “Kapotat”. Ai ishte nominuar gjithashtu edhe për “Luftën e Charlie Wilson”, “Doubt” dhe “The Master”. / Top Channel

Më Shumë

Dalin rezultatet e studentëve të pranuar në konvikte

Qendra e Studentëve në Prishtinë ka shpallur rezultatet për pranimin e studentëve në konvikte për  vitin akademik 2022/2023. Rezultatet janë publikuar në faqen e tyre...

Ish-komandanti i UÇK-së ftohet nga Specialja, reagon fshati Mushtisht

Ish-komandanti i Zonës Operative të Pashtrikut, të Ushtrisë Çlirimtare të Kosovës, Sadik Halitjaha, disa ditë më parë ka pranuar ftesën që të paraqitet në...

Vranët dhe me shi

Lajmet e Fundit