Një 40-vjeçar nga Maliqi ka humbur jetën mbrëmjen e djeshme 25 maj, pasi është kapur nga një rimorkio e ngarkuar me dru.
Sipas policisë viktima është Mirgen Demçe dhe dyshohet se shkak i humbjës se jetës së 40 vjecarit është aksidentale. Demçe ishte pronar i një pike që bënte shpërndarjen e druve,në fshatin Libonik.
Kjo ngjarje aksidentale ka ndodhur kur pronari së bashku me tre punëtorë të tjerë, po ngarkonin një kamion me dru. Gjatë momentit që po shtynin një rimorkio, që komandohej me dorë dhe që lidhej pas kamionit, rimorkioja ka rrëshqitur, duke goditur pronarin e kësaj pike, i cili ndodhej në atë moment, në krahun e stivës së druve. Nga kjo goditje, për pasojë shtetasi Mirgen Demçe, është përplasur me stivën e druve.
Punëtorët menjëherë e kanë transportuar me ambulancën e fshatit, në drejtim të Spitalit të Korçës,për të marrë ndihmën mjekësore të nevojshme,por gjatë transportimit ,ky shtetas ka humbur jetën.