Prokuroria dhe Policia, kanë raportuar për parregullsitë që janë evidencuar gjatë procesit zgjedhor në disa qendra të votimit në Prizren.
Kryeprokurori,Sylë Hoxhaj tha se në pesë qendra të votimit ka pasur mungesë të vulave.
Sipas tij, mungesa e vulave tashmë ka filluar të hetohet. “ Prokuroria ka filluar të hetojë restet e mungesës së vulave”, tha Hoxhaj, në një konferencë për media.
Sipas tij, vulat janë zëvendësuar me vulat rezervë.
Ai tregoi se në vendvotime janë vërejtur edhe persona të pa autorizuar. Drejtori i Policisë në Prizren,Nexhmi Krasniqi tha se policia menjëherë i ka marrë masat për të larguar nga vendvotimet personat e paautorizuar.
“Policia i ka marrë të gjitha masat dhe personat e paautorizuar janë larguar nga vendvotimet”, tha Krasniqi./PrizrenPress.com/