Një person është arrestuar në Prizren nën dyshimin se së bashku me një person tjetër që gjendet në arrati të kanë sulmuar me mjete të mprehta një person.
Viktima në këtë rast ka pësuar lëndime trupore dhe është dërguar për tretman mjekësor.
Gjithashtu sipas raportit të policisë në këtë rast është përdorur edhe arma e zjarrit.
“Në rast dyshohet të jetë përdorur edhe arma e zjarrit, pasi që në vend të ngjarjes është gjetur një gëzhojë”, thuhet në raportin e Policisë së Kosovës.
Me urdhër të prokurorit policia ka kontrolluar shtëpitë e të dyshuarve si dhe viktimës i janë gjetur tre fishekë.
Me vendim të prokurorit i dyshuari pas intervistimit është dërguar në mbajtje, ndërsa njësitë policore janë duke hetuar edhe më tutje rastin./Insajderi.com