Dy zyrtarë policorë janë sulmuar fizikisht mbrëmë në fshatin Duhël të Suharekës, shkruan Gazeta Sinjali.
Burimet e Sinjalit brenda Policisë njoftojnë se zyrtarët policorë janë sulmuar nga një i dyshuar, i cili ishte nën ndikim të alkoolit.
E gjithë ngjarja, sipas këtyre burimeve ndodhi pasi që i dyshuari nuk i zbatoi urdhrat e policëve, me ç’rast i sulmoi ata derisa ishin në kryerje të detyrës zyrtare.
Dy policët janë dërguar për trajtim mjekësor, ndërsa i dyshuari është ndaluar me vendim të prokurorit.