11.8 C
Prizren
E hënë, 15 Prill, 2024

Identiteti kombëtar në veshjet tradicionale: Përparëset në ekspozitën e Prizrenit

Qendra Rajonale për Trashëgimi Kulturore në Prizren, do të organizojë një ekspozitë me titullin “Përparëset – Kanacat e krahinave etnografike shqiptare”.

Ekspozita organizohet për nder të 16 vjetorit të Pavarësisë së Kosovës

Ajo do të mbahet më datën 16 shkurt 2024, në orën 14:00, në ambientet e Kompleksit të Lidhjes Shqiptare të Prizrenit.

Drejtori i Qendrës Rajonale për Trashëgimi Kulturore në Prizren, Samir Hoxha tha se eksponatet e prezantuara janë nga sektori i etnografisë të Muzeut të Lidhjes Shqiptare të Prizrenit dhe janë kuruar nga bashkëpunëtorët profesional Delvina Bytyqi, Parim Kosova dhe Linda Perolli.

“Përparëset janë pjesë përbërëse e veshjeve tradicionale të grave nga krahinat e ndryshme, duke reflektuar vlerat kulturore, artistike dhe shpirtërore të identitetit kombëtar shqiptar”, tha ai.

“Përveç eksponateve etnografike, ekspozita gjithashtu përfshin punime artistike të kustosit Dashnor Uka, të cilat paraqesin kostume popullore shqiptare në stilin grafik dhe në mënyrë realiste”.

“Ekspozita do të mbetet e hapur gjatë gjithë muajit shkurt, duke ofruar një eksperiencë të pasur në ambientet e Kompleksit të Lidhjes Shqiptare të Prizrenit”./PrizrenPress.com/

Më Shumë

Mbi 7 mijë kosovarë shkuan në Shqipëri në orët e hershme të së shtunës

Kjo e shtunë ka nisur me një fluks automjetesh në pikën kufitare të Morinës. Shumë qytetarë kanë zgjedhur të udhëtojnë nga Kosova drejtë Shqipërisë, duke...

Mbi 1 mijë e 500 gjoba trafiku të shqiptuara për 24 orë në Kosovë

Policia e Kosovës ka shqiptuar një mijë e 516 gjoba trafiku në 24 orët e fundit. Ndërkaq, janë regjistruar edhe numri i përgjithshëm i aksidenteve...

Lajmet e Fundit