Inspektorët komunalë në Malishevë, në kuadër të punës dhe aktiviteteve të përditshme, edhe të enjten të shoqëruar edhe nga drejtoresha e Drejtorisë së Inspektoratit, Besartë Kryeziu-Ramaj, i kanë inspektuar marketet në qytetin e Malishevës, për zbatimin e masave në përgjithësi, dhe në veçanti për ndarjet e produkteve ushqimore në rafte dhe afatin e skadimit.
Gjatë injektimeve të realizuara, është vërejtur se marketet i zbatojnë masat në përgjithësi duke përfshirë edhe produktet ushqimore.
Gjatë këtij inspektimi u pa se marketet janë duke respektuar masat anti-Covid.
Pavarësisht kësaj, drejtoresha e Drejtorisë së Inspektoratit në Komunën e Malishevës, Besartë Kryeziu-Ramaj ka apeluar te qytetarët, të cilët hasin në parregullsi gjatë blerjeve në markete dhe dyqane, t’i njoftojnë inspektorët komunalë në mënyrë që cilësia në shërbime të jetë në nivelin më të mirë të mundshëm, pasi mbrojtja e shëndetit të qytetarëve është mbi të gjitha.