-6.2 C
Prizren
E enjte, 9 Shkurt, 2023

Inter dhe Barcelona në negociata për Kessie

Lojtari afrikan i Barcelona-s, Franck Kessie mund të rikthehet në Serie A së shpejti. Mesfushori në verë iu bashkua katalanasve si transferim i lirë pasi përfundoi kontratën me Milan-in.

Aventura e Kessie te Barcelona nuk ka qenë ajo që ai priste. Minutat në dispozicion kanë qenë të pakta, 758 në total. Trajneri, Xavi Hernandez po preferon të hedh në fushë para tij emra si Pedri, Gavi, Sergio Busquets, apo dhe Frenkie de Jong.

Në këto kushte afrikani ka kërkuar të ndryshojë ambient për të luajtur më shumë. Inter-i është skuadra më e interesuar për të dhe sipas “Calciomercato”, zikaltrit tashmë janë në negociata me Barcelona-n për një afrim të Kessie në janar.

25-vjeçari ka eksperiencë të madhe në Itali. Ai u rrit në akademinë e Atalanta-s, përpara se të shkonte në huazim te Cesena dhe Milan, teksa këta të fundit do e blinin përfundimisht në verën e vitit 2019.

Në Serie A italiane, Kessie numëron 204 paraqitje, nga ku ka realizuar 41 gola dhe 16 asistime. /Albanianpost.com

Më Shumë

Reagon Veliaj: Rruga ‘Ibrahim Rugova’ s’është shkurtuar, fola me Ukën, po e planifikojmë edhe një shtatore

Kryebashkiaku i Tiranës, Erion Veliaj, ka dalë me një sqarim rreth debatit që është shkaktuar dje, pas pohimeve se një rrugë që mban emrin...

Rahoveci kompenson bujqit që pësuan nga vërshimet

Komuna e Rahovecit në bashkëpunim me Ministrinë e Bujqësisë, Pylltarisë dhe Zhvillimit Rural (MBPZhR) pritet t’i kompensojnë 243 bujq të cilët janë dëmtuar nga...

Lajmet e Fundit