Daniel Nelson ka marrë drejtimin e KB Rahoveci, ka njoftuar klubi nga qyteti i rrushit përmes një komunikate.
Në tabelën e Superligës Rahoveci gjendet në pozitën e fundit.
“KB Rahoveci me kënaqësi konfirmon se ka nënshkruar marrëveshje me irlandezin, Daniel Nelson, për ta marrë timonin e skuadrës tonë deri në fund të këtij edicioni të garave. Irlandezi tridhjetëe tetë vjeçar ishte së fundmi trajner i Lagunas në Rumani, kurse më parë arriti fazën e playoffit me Omonian në kampionatin elitar të Qipros. Si asistent ai ishte fitues i Kupës së Rusisë me Parma Perm Basket dhe arriti playoffin në kampionatin elitar të Gjermanisë me Ludwigsburgun. Zotëri Nelson menjëherë do të fillojë menjëherë punën për ndeshjen e radhës, ndaj Vëllaznimit. KB Rahoveci i bën thirrje gjithë opinionit basketbolldashës në Rahovec për mobilizim, ngase pa dëshirën tonë po kalojmë në proces të ri-ndërtimit të plotë të skuadrës. Me këtë rast priten edhe konfirmime tjera të ndryshimeve ditët në vijim”, ka njoftuar klubi.